Qazaqstan musylmandary dinı basqarmasy dinı óleńder músháırasyn ótkizedi

dep habarlaıdy QazAqparat.

Músháıra myna taqyryptardy qamtyp ótkiziledi:

1. «Sheberdi sheber degenshe, Allany sheber deseıshi»;
2. «Áz Paıǵambar Muhammed (sallallahý aleıhı ýásállám)»;
3. «Kórkem minez - kórkimiz»

Jyr saıysyna túsetin óleńderdi tanymal aqyn-jazýshylar men din mamandarynan quralǵan qazylar alqasy saraptaıtyn bolady. Osyǵan oraı nıet bildirgen aqyndar 2010 jylǵy mamyrdyń 1-ine deıin muftyat@mail.ru elektrondy poshtasyna óleńiniń tolyq nusqasyn jiberýi tıis. Músháıra sharttary boıynsha báıgege túsetin óleńniń kólemi eki betten aspaıtyn ári aqynnyń óleńderiniń mátini buryn jarııalanbaǵan bolýy tıis.

Músháıranyń júldeleri:

І oryn - Úlken qajylyq;

ІІ oryn - Ýmra qajylyǵy;

ІІІ oryn (3 aqynǵa) - 150 000 teńgeden;

Yntalandyrý syılyǵy (5 aqynǵa) - 50 000 teńgeden.

Sonymen birge, múshaıra jeńimpazdary arnaıy uıymdastyrylǵan dinı ánder festıvalinde marapattalady. Marapattaý keshine elimizdiń zııaly qaýym ókilderi, áıgili ánshiler men ataqty sazgerlerdiń qatysýy josparlanyp otyr. Sátti jazylǵan óleńder áýenmen árlenip, áıgili ánshilerge oryndaýǵa beriledi.