Qazaqstan musylmandar dinı basqarmasy qajylyqqa aparatyn 10 týrfırmanyń tizimin jarııalady
ASTANA. QazAqparat - Elimizdiń qajylary bıyl Astana, Almaty, Shymkent qalalarynan Jıdda (ıaǵnı, Mekke qalasyna) baǵyty boıynsha tikeleı reıs arqyly ushady, dep habarlady QR Dinı basqarmasynyń baspasóz qyzmetinen.
«Qazaqstan musylmandary dinı basqarmasy 2016 jyldyń basynda Saýd Arabııa Koroldigi (SAK) Qajylyq mınıstrliginiń jańa talaptaryna oraı, elimizdegi qajylyqpen aınalysýǵa úmitker týrıstik fırmalar arasynda alǵash ret ashyq baıqaý (konkýrs) jarııalaǵan bolatyn. Ashyq konkýrsty jarııalaýdaǵy negizgi maqsatymyz qajylyq saparynyń sapasy men qyzmetin jaqsartyp, jerlesterimizdiń qaýipsizdigin jan-jaqty qamtamasyz etý», - delingen habarlamada.
QMDB jarııalaǵan konkýrs nátıjesinde 10 týrfırma irikteýden ótti. Onyń tizimi tómendegideı:
1. «Hıdaıat nur»;
2. «ıAssaýı»;
3. «Atlas týrızm»;
4. «Hıkmet trevel»;
5. «Delta trevel»;
6. «Qyzmet saıahat»;
7. «Ál-marýa»;
8. «Sanabl»;
9. «Ańsar krýız»;
10. «Nur-Qazaqstan».
«Qalǵan kompanııalar tizimde kórsetilgen 10 fırmanyń quramyna endi. Atap aıtqanda, «Sembekova ı K» fırmasy «ıAssaýı» kompanııasymen birikti. «Káýsar saıahat» kompanııasy «Delta trevel» fırmasynyń quramyna endi. «Imantrevel» fırmalary - «Ál-Marýa» kompanııasymen, «Robınzon» - «Sanabl» fırmasymen, «Ordabasy» - «Ansar krýız» fırmasymen, «Mına týr» men «TVV týr» kompanııalary «Nur Qazaqstan» fırmasymen birikti», - dep jazylǵan QMDB taratqan habarlamada.
Bıyl elimizdiń qajylaryna 3000 kvota bólindi.
Bıylǵy qajylyq maýsymy tamyz aıynyń 30-ynan bastalyp, qyrkúıek aıynyń 22-inde aıaqtalady.
Saýd Arabııasy Qajylyq mınıstrliginiń bekitken erejeleri boıynsha qajylyq saparyna qatysty qujattardy qabyldaý 10 tamyzda aıaqtalady. Osy sanaýly kúnderdi sátti paıdalanýǵa keńes beremiz.
Jerlesterimizdiń tańdaýyna oraı, bıylǵy qajylyq maýsymynyń eń qysqa merzimi - 14 kún. Budan da uzaq merzimdi tańdaıtyn azamattar úshin 25 kúnge josparlanǵan arnaıy reıster ashylǵan.
