Qazaqstan musylman elderi arasynda tartymdylyǵy jaǵynan úzdik ondyqqa endi
Qazaqstan 2019 jylǵy Global Muslim Travel Index (GMTI) reıtıngi boıynsha Islam yntymaqtastyq uıymyna múshe elder ishinde kelýshiler sany jaǵynan úzdik 10 eldiń tizimine endi. Bul tizimde sondaı-aq Saýd Arabııasy, Túrkııa, Malaızııa, Birikken Arab Ámirlikteri jáne Indonezııa bar.
Budan basqa, GMTI reıtıngi Islam yntymaqtastyq uıymyna múshe jáne múshe emes elderdi tartymdylyǵy boıynsha salystyrady. Bul reıtıngte 130 el arasynda Qazaqstan 24-shi orynda, Ózbekstan - 22-shi, Ázerbaıjan - 25-shi, al Qyrǵyzstan - 29-shy orynda. Reıtıngte Indonezııa men Malaızııa kósh bastasa, úshinshi orynda - Túrkııa, odan ári tizimde Saýd Arabııasy jáne BAÁ tur.
«Kazakh Tourism» ulttyq kompanııasynyń málimetinshe, Global Muslim Travel Index - sıngapýrlyq CrescentRating jáne Mastercard kompanııasy birigip ázirlegen, týrızm salasyndaǵy jyl saıynǵy ındeks. Reıtıngti qurý kezinde túrli krıterııler eskeriledi: qolaıly orta, qaýipsizdik, dinı shekteýler, jáne kelýshiler sany degen tarmaqtardy qamtıtyn «qorshaǵan orta» 30%-ǵa áser etse, meıramhanalar, namaz oqıtyn oryndar, áýejaı, biregeı týrıstik tájirıbe, qonaq úıler tarmaqtaryn qamtıtyn «musylmandarǵa arnalǵan qyzmetter» 20%-dy, baılanysý qolaılylyǵy, tsıfrlyq aqparattyń bolýy, aqparattyq qamtý tarmaqtaryn qamtıtyn «kommýnıkatsııa» 20%-dy kórsetse, kóliktik qatynas, vızalyq talaptar, kóliktik ınfraqurylym tarmaqtaryn qamtıtyn «qoljetimdilik» qalǵan 10%-dyń kórsetkishteri.
Bul reıtıng boıynsha, Qazaqstan baılanysý qolaılylyǵy, tsıfrlyq aqparattyń bolýy jáne biregeı týrıstik tájirıbe krıterııleri boıynsha joǵary kórsetkishterge ıe bolsa, qaýipsizdik, namaz oqıtyn oryndar jáne dinı shekteýler tarmaqtary boıynsha kemshilikteri bar. Aıta ketý kerek, kórshiles elderde de dál osy kórsetkishter boıynsha kemshilikter kezdesedi eken.
«Malaızııa, Iran, BAÁ jáne Taıaý Shyǵys elderiniń Qazaqstanǵa qyzyǵýshylyǵy joǵary. 2018 jyldyń nátıjeleri boıynsha bul elderden kelýshiler aǵynynyń ósýi baıqalady. Mysaly BAÁ keletinderdiń sany 50%-ǵa, Malaızııalyq týrısterdiń sany 44%-ke artqan. Sondyqtan, bul reıtıng - biz úshin mańyzdy baǵdar», - dep atap ótti «Kazakh Tourism» ulttyq kompanııasynyń Basqarma tóraǵasynyń orynbasary Qaırat Sádýaqasov.
Elder reıtıngine qosa, GMTI musylman elderinen kelýshiler aǵynyn arttyrý jáne olar úshin jaǵdaıdy jaqsartý jóninde usynys ta beredi. Olar - adal taǵamdardyń, namaz oqý oryndarynyń bolýy, qasıetti ramazan aıynda arnaıy qyzmetterdiń jumys isteýi jáne elde «halal emes» qyzmetterdiń bolmaýy sııaqty birneshe usynymdar.
