Qazaqstan múshelik jarna retinde MAGATE-ge jyl saıyn 300 myń eýro tóleýde

ASTANA. QazAqparat - Qazaqstan múshelik jarna retinde MAGATE-ge jyl saıyn 300 myń eýro tólep kele jatyr. Bul týraly búgin Ortalyq kommýnıkatsııalar qyzmetindegi brıfıngte QR Energetıka mınıstrligi Atom jáne energetıkalyq baqylaý men qadaǵalaý komıteti tóraǵasynyń orynbasary Tımýr Jantıkın málim etti.

«Biz jylyna 300 myńǵa (eýro) jýyq tóleýdemiz. Onda maqsatty qarjy somasy kórsetilgen, MAGATE bıýdjetin arttyrmaý týraly ereje qabyldandy»,-dedi T. Jantıkın.

Aıta keteıik, 1993 jyldyń jeltoqsanynda ıadrolyq qarýy joq el retinde Qazaqstannyń ıAdrolyq qarýdy taratpaý týraly kelisimge qosylýynan keıin, 1994 jyldyń shildesinde Qazaqstan Atom energııasy boıynsha halyqaralyq agenttikpen Kepildikti qoldaný týraly kelisimdi bekitti. Kelisim 1995 jyldyń tamyzynda kúshine endi. Osy ýaqyttan bastap Qazaqstannyń barlyq ıadrolyq qyzmeti MAGATE-niń kepildigine qoıyldy.