"Qazaqstan murajaıy" atty úsh tildegi ınteraktıvti veb-saıttyń eń úzdik dızaınyna baıqaý jarııalandy
ALMATY. 7 shilde. QazAqparat /Ádilet Musahaev/ - British Council "Murajaılardy qaıta qurý" jobasy aıasynda "Qazaqstan murajaıy" atty úsh tildegi ınteraktıvti veb-saıttyń eń úzdik dızaınyna baıqaý jarııalady.
Qatysý tegin jáne 16 men 40 jas aralyǵyndaǵy barlyq shyǵarmashylyq jeke toptarǵa esik ashyq. Jobany tapsyrýdaǵy sońǵy merzim 15-shi qyrkúıek.
Jeńimpazdar 100 000 teńge kóleminde aqshalaı syılyq pen saıt jobasyn jasaý tobyna kirýge joldama alady.
Ádil qazylar alqasy jasalǵan jumystardy ereksheligi, qazirgi zamanǵa saı bolýy, sheberlik deńgeıi, jobanyń tujyrymdamasyna saı bolýy, tehnıkalyq quraldarǵa sáıkes tehnologııalardy qoldaný jáne taǵy basqa belgileri boıynsha baǵalaıdy.
