Qazaqstan murajaılarynda bir jyldyń ishinde 4,8 mıllıon adam boldy
ASTANA. QazAqparat - Jyl saıyn 18 mamyrda búkil álem eń mańyzdy mádenı merekelerdiń biri - Halyqaralyq murajaılar kúnin atap ótedi.
Mereke 1977 jyly paıda boldy - Murajaılardyń kezekti halyqaralyq keńesinde osy kúndi mereke retinde belgileý usynyldy. Al kelesi 1978 jyldyń ózinde ony merekeleýge 150-den astam el qatysty.
1992 jyly Halyqaralyq murajaılar keńesiniń basshylyǵy bul kúndi belgili bir taqyrypta ótkizýdi usyndy. Sodan beri Halyqaralyq murajaılar kúni belgili bir taqyryp aıasyndaǵy is-sharalardy uıymdastyrylady. 2014 jylǵy Halyqaralyq murajaılar kúniniń taqyryby «Murajaı kollektsııalary qurǵan baılanystar» dep atalady. Óıtkeni murajaı urpaqtar men álemdik mádenıetter arasyn jalǵastyratyn mekeme. Bul kúni Qazaqstan murajaılarynda ártúrli ekskýrsııalyq týrlar jáne basqa da mádenı sharalar uıymdastyrylady. Naq osy murajaılar mádenıetaralyq jáne ultaralyq baılanystardy tıimdi jalǵastyra alady, alýan túrli mádenıetter men halyqtardyń rýhanı jáne mádenı birligin qamtamasyz etedi. Sondyqtan da Qazaqstan Úkimeti mádenıet úshin mańyzdy osy salany damytýǵa basa kóńil bólip otyrady.
QR Statıstıka agenttiginiń málimetteri boıynsha 1995 jyly Qazaqstanda barlyǵy 87 murajaı boldy, sol jyly olarǵa 2,5 mıllıon adam keldi. Sodan beri murajaılar sany 2,6 ese ósti - 2013 jyldyń qorytyndylary boıynsha Qazaqstanda 224 murajaı jumys istedi. Murajaılar sanynyń ósýimen qatar olarda bolǵan kelýshiler sany da arta tústi - ótken jyly respýblıka murajaılarynda 4,8 mıllıonnan astam kelýshiler boldy.
