Qazaqstan munaıynyń Qara teńiz arqyly tasymaly toqtaǵan joq – mınıstrlik

ASTANA. KAZINFORM – Energetıka mınıstrligi halyqaralyq BAQ-taǵy Pýtınniń jarlyǵy Qazaqstan munaıynyń Qara teńiz arqyly tasymaldanýyn toqtatqany týraly aqparat boıynsha málimet berdi.

- Qazirgi tańda Qazaqstan munaıyn Reseı Federatsııasynyń teńiz porttary arqyly tasymaldaý toqtatylǵan joq, - dep jazylǵan resmı málimette.

Mınıstrliktegiler bul jerde áńgime Ýst-Lýga portyndaǵy jaǵdaı týraly bolyp otyrǵanyn aıtady.

- Bul portta qazir kólik ınfraqurylymyn qorǵaýdy arttyrý úshin qosymsha sharalar engizilgenine baılanysty «QazTransoıl» AQ «Nevskaıa trýboprovodnaıa kompanııasy» JShS-men kelissózder júrgizip jatyr, - dep jazady vedomstvo mamandary.

Bul týraly Reuters-ke málimet bergen derekkóz Qazaqstan munaıy reseılik erejeniń saldarynan Qara Teńiz arqyly eksporttalmaı qalýy múmkin ekenin aıtqan.