Qazaqstan munaıynyń 70%-y úsh ken ornynda óndiriledi
ASTANA. KAZINFORM — Qazaqstanda óndiriletin munaıdyń 70 paıyzy Teńiz, Qashaǵan jáne Qarashyǵanaq ken oryndaryna tıesili. Bul týraly QR Energetıka mınıstrligi Kazinform agenttiginiń resmı saýalyna bergen jaýabynda aıtty.
— 2025 jyldyń qorytyndysy boıynsha atalǵan úsh ken ornynda 69,4 mıllıon tonna munaı óndirilgen. Olardyń jıyntyq munaı qory 2,888 mıllıard tonnaǵa baǵalanady. Sonymen qatar bul ken oryndaryndaǵy gaz qory 2,429 trıllıon tekshe metr, — delingen jaýapta.
Teńiz ken ornynda óndiristi ulǵaıtýǵa baǵyttalǵan joba iske qosylǵannan keıin munaı óndirý kólemi jylyna 12 mıllıon tonnaǵa artqan.
Al elimizdegi basqa ken oryndarynda munaı óndirý kóleminiń jyl saıyn tómendeýi baıqalady.
Qazir Qazaqstanda barlyǵy 190 munaı ken orny ıgerilip jatyr.
Aıta ketelik Qazaqstannyń munaı qory qansha jylǵa jetetini týraly jazǵan edik.
