Qazaqstan munaıdy artyǵymen óndirdi

ASTANA. QazAqparat - Aǵymdaǵy jyldyń aıaǵyna deıin 83 mln tonna munaı óndiriledi degen jospar bolǵan, dep xabarlaıdy QazAqparat tilshisi.

QR Energetıka mınıstri Qanat Bozymbaevtyń aıtýynsha, Qazaqstanda bir kúnde 550 myń tonna munaı óndiriledi. "Demek, jyldyń aıaǵyna deıin áli de bir mıllıon tonnadan astamyn óndirýge bolady. Keshegi málimetke sáıkes, 84,5 mln tonnany óndirdik. Oǵan taǵy bir jarym mıllıondy qosyńyz. Sonda biz 86 mln-nyń mejesine shyǵa alamyz. Jospar boıynsha 83 mln tonna bolǵan. Jyldyń aıaǵyna deıin biz ol jospardy artyǵymen oryndaımyz. Munaı óndirýdiń bıylǵy josparyn oryndaýda Qashaǵan ken ornynyń úlesi zor", - dep atap kórsetti Q.Bozymbaev.

Aıta ketken jón , búgingi otyrysta energetıka mınıstri monopolısterdiń qaryzyn da jarııalady.