Qazaqstan munaı óndirýdi táýligine 1 468 myń barrelge deıin qysqartty
30 qarashada JMMC birlesken mınıstrlik monıtorıng komıtetiniń 51-shi otyrysy jáne beınekonferentsııa formatynda OPEK+ 36-shy mınıstrlik kezdesýi ótti, dep habarlaıdy Kazinform.
QR Energetıka mınıstrliginiń resmı saıtynda málim etilgendeı, otyrysqa Qazaqstan atynan vedomstvo basshysy Almasadam Sátqalıev qatysty.
Otyrysta 2023 jylǵy qyrkúıek-qazan aılarynda elderdiń kelisim boıynsha mindettemelerdi oryndaýy jáne munaı naryǵyndaǵy aǵymdaǵy ahýal talqylandy.
«Qazaqstan 2024 jylǵy 1 qańtardan bastap 2024 jylǵy naýryz aıynyń sońyna deıin OPEK+ qatysýshy eldermen birlesip táýligine 82 myń barrelge qosymsha erikti qysqartýdy qabyldady.
Osylaısha, Qazaqstanda óndirý 2024 jyldyń naýryz aıynyń sońyna deıin táýligine 1 468 myń barreldi quraıdy.
Keıinnen naryqtyń turaqtylyǵyn saqtaý maqsatynda bul qosymsha qysqartylǵan kólemder naryqtyq jaǵdaılarǵa baılanysty birtindep qalpyna keltiriletin bolady», - delingen aqparatta.
Aıta keteıik, bul erikti qysqartýdy Qazaqstan buryn 2023 jylǵy sáýirde qabyldaǵan edi jáne 2024 jylǵy jeltoqsannyń sońyna deıin sozylatyn táýligine 78 myń barrelge erikti qysqartýǵa qosymsha bolyp tabylady.
Bul qosymsha erikti qysqartý munaı naryǵynyń turaqtylyǵy men tepe-teńdigin saqtaý maqsatynda OPEK+ elderiniń saqtyq sharalaryn kúsheıtýge baǵyttalǵan.
