Qazaqstan munaı óndirý qarqynyn údetedi - Q.Bozymbaev

ASTANA. QazAqparat - Munaı óndirý salasy Qazaqstan bıýdjetiniń kiris kózi bolyp qala beredi. Bul týraly búgin janar-jaǵarmaı kesheni men ekologııa jónindegi qoǵamdyq keńestiń esep berý kezdesýinde Energetıka mınıstri Qanat Bozymbaev málim etti.

«Munaı óndirý salasy bıýdjetke túsim ákeletin kózderdiń biri bolyp qalara beredi. Eldiń 2050 jylǵa deıingi damý Strategııasynyń basty mindetterine saı, munaı shyǵarý qarqynyn odan ári údetý kózdelgen. Sondyqtan, biz 2017 jyldan bastap munaı óndirý kólemin turaqtandyra otyryp, onyń kólemin arttyramyz», - dedi Q.Bozymbaev.

Mınıstrdiń aıtýynsha, elimizdegi «Teńizshevroıl», «Qarashyǵanaq Petrolıým Opereıtıng B. V.» sııaqty kompanııalar men «Qashaǵan» ken orny munaı óndirý kólemin údetetin negizgi óndirister bolmaq.

«Qalǵan ken oryndarynyń bári orta merzimde munaı óndirisin azaıtady», - dedi Q.Bozymbaev. Vedomstvo basshysy sondaı-aq daǵdarys kezinde salalyq kásiporyndarǵa salyqty tómendetý túrinde qoldaý kórsetilgenin jetkizdi.

«Bul jumys áli toqtaǵan joq. Kóptegen kásiporyndar paıdaly qazba shyǵarýúshin tóleıtin salyqqa jeńildik alyp otyr», - dedi Q.Bozymbaev.