Qazaqstan munaı óndir­ýdi odan ári tómende­tý boıynsha konsýltatsııalardy jalǵastyrýd­a

ASTANA. QazAqparat - Qazaqstan munaı óndirýshi kompanııalarmen birlesip, OPEK+ aldyndaǵy mindettemelerdiń saqtalýyna monıtorıng júrgizýdi jáne munaı óndir­ýdi odan ári tómende­tý boıynsha konsýltatsııalardy jalǵastyrýd­a, dep habarlaıdy QazAqparat QR Energetıka mınıstrliginiń baspasóz qyzmetine silteme jasap.

Vedomstvo málimetine saı, Qazaqstanda sońǵy ýa­qytta ártúrli sebept­erge, onyń ishinde en­ergııa kózderindegi avarııalarǵa, sondaı-aq ken oryndarynda aǵ­ymdaǵy jáne kútiletin josparly jóndeý ju­mystaryna baılanysty óndirýdiń tómendeýi baıqalýda, bul tuta­staı alǵanda respýblıkanyń OPEK+ kelisimi aıasynda ózine qabyldaǵan mindettemelerdi saqtaý jónindegi nıetterin iske asyrýǵa yqpal etedi.

​«Bul rette, respýblıka munaı óndirýshi kompanııalarmen birlesip, mindettemelerdiń saqtalýyna monıtorıng júrgizýdi jáne óndir­ýdi odan ári tómende­tý boıynsha konsýltatsııalardy jalǵastyrýd­a» delingen habarlamada.

Aıta keteıik, buǵan deıin Qazaqstan 2024 jyldyń sońyna deıin óndiriletin munaı kólemin táýligine 78 myń tonnaǵa azaıtatyny týraly jazǵan edik. Sebebi OPEK + kelisimine qatysýshy elder munaı óndirýge qoıylǵan shekteýdi 2024 jyldyń sońyna deıin uzartýǵa kelisken bolatyn.