Qazaqstan munaı óńdeý kólemin ýaqytsha azaıtty

ASTANA. QazAqparat - QR Energetıka mınıstri Qanat Bozymbaev Qazaqstan qaı merzimnen bastap benzındi eksporttaıtynyn aıtty, dep habarlaıdy QazAqparat tilshisi.

«Bıyl 100 paıyzǵa ishki qajettilikti qamtamasyz etemiz. Aǵymdaǵy jyly 500-den 650 myń tonnaǵa deıin benzın profıtsıti bolady. Bul profıtsıt 2019 jyldyń birinshi aıynan beri baıqalyp otyr. Osyǵan baılanysty qańtar-aqpanda biz munaı óńdeý zaýyttarynda óndirý kólemin birshama tómendettik», - dedi mınıstr Senattyń jalpy otyrysynda.

Aıta keteıik, búgingi jalpy otyrysta «2010 jylǵy 9 jeltoqsandaǵy QR Úkimeti men RF Úkimeti arasyndaǵy Qazaqstan Respýblıkasyna munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly kelisimge ózgerister engizý týraly hattamany ratıfıkatsııalaý týraly» zań jobasy qaraldy.

«Osy kelisimdi ratıfıkatsııalaǵannan keıin, Senatqa munaı ónimderiniń bólek túrlerin retteý men aınalymy týraly zańnamasymen kelemiz. Birinshi toqsannyń sońynda benzın eksportyn bastaımyz, sondaı-aq osy jylǵa josparlaǵan óńdeý kóleminiń ornyn toltyramyz. Meniń oıymsha, bul sala memlekettiń baqylaýynda bolady, al eksport qosymsha tabys alyp keledi. ıAǵnı munaı óńdeýshi zaýyttar qosymsha tabysqa ıe bolady», - dedi Qanat Bozymbaev.