Qazaqstan munaı men gazǵa baı elderdiń reıtınginde 16 orynda tur

Total.kz saıtynyń habarlaýynsha «RIA Reıtıng» sarapshylary munaıgaz qorymen qamtamasyz etýdi zerttep, tizimdi qalyptastyrǵanda osyndaı qorytyndyǵa kelgen.

Reıtıngtik málimetterge qaraǵanda, Qazaqstandaǵy kómirsýtek shıkizatynyń barlyq qorlary jan basyna shaqqanda 235 911 myń dollardy quraǵan. Al Reseıde bul kórsetkish 164 580 myń dollardy qurapty. Tizimde Katar eli kósh bastap tur, onyń bir turǵynyna shaqqanda quny 6 014 456 myń «munaı dollarlary» tıesili bolǵan. Al 58 memlekettegi sońǵy orynda ár azamatyna 240 dollardan tıetin Germanııa tur.

Toqtala ketetin jaıt, basqa esepteýlerge qaraǵanda Qazaqstan Reseıden keıingi orynǵa jaıǵasady. Máselen, Qazaqstandaǵy boljanǵan munaı men gaz qorlarynyń quny 3,8 trln. dollardy qurasa, Reseı Federatsııasynda bul 23,5 trln. dollardy qurap otyr. Al Qazaqstanda jylyna 92 mln.tonna shıkizat óndirilse, Reseıdegi shıkizat jylyna 1,1 mlrd tonnany quraıdy. Al aldyńǵy kórsetkishte reıtıngti qurýshylar elderdegi adam sanyna shaǵyp tizim jasaǵanyn eske sala ketemiz.