Qazaqstan munaı-gaz hımııasyna 15 mlrd dollar ınvestıtsııa tartýdy kózdep otyr
ASTANA. KAZINFORM - 2026 jylǵy 22 shildede Qazaqstan Respýblıkasy Energetıka mınıstrliginde Qoǵamdyq keńestiń tóraǵasy Jaqyp Haırýshevtiń tóraǵalyǵymen Energetıka vıtse-mınıstri Sanjar Jarkeshovtyń, Qoǵamdyq keńes músheleriniń jáne mınıstrliktiń qurylymdyq bólimsheleri ókilderiniń qatysýymen Qoǵamdyq keńestiń otyrysy ótti.
Otyrystyń negizgi taqyryby 2024–2030 jyldarǵa arnalǵan Qazaqstannyń munaı-gaz hımııasy ónerkásibin damytý máseleleri boldy.
Otyrys barysynda munaı-gaz hımııasy ónerkásibin damytý jónindegi Jol kartasyn iske asyrý aıasynda normatıvtik-quqyqtyq bazany jetildirý jumystary jalǵasyp jatqany atap ótildi. Qazirgi ýaqytta Parlamentte ınvestıtsııa tartý úshin qolaıly jaǵdaı jasaýǵa baǵyttalǵan «Munaı-gaz hımııasy ónerkásibi týraly» zań jobasy qaralyp jatyr. Salany damytý jónindegi jobalardyń jıyntyq ınvestıtsııalyq portfeli shamamen 15 mlrd AQSh dollaryn quraıdy.
Qatysýshylarǵa polıetılen óndirý zaýyty, gazdy bólý kesheni, sondaı-aq býtadıen, alkılat, polıetılentereftalat jáne karbamıd óndirý jobalaryn iske asyrý barysy týraly aqparat usynyldy. Bul jobalardyń barlyǵy Qazaqstanda zamanaýı, joǵary tehnologııalyq munaı-gaz hımııasy klasterin qalyptastyrýǵa baǵyttalǵan.
Sonymen qatar otyrys barysynda Energetıka mınıstrliginiń otyn-energetıka kesheni máseleleri jónindegi Qoǵamdyq keńesiniń 2026 jyldyń birinshi jartyjyldyǵyndaǵy qyzmetiniń qorytyndylary shyǵaryldy.
Osyǵan deıin koreıalyq kompanııalardyń Qazaqstannyń energetıka salasyna ınvestıtsııa salýǵa nıetti ekeni týraly jazdyq.
