Qazaqstan munaı eksporttaýdyń túrli baǵdaryn qarastyryp jatyr – Aqsholaqov
«Kezinde eksporttyń, onyń ishinde Qytaı men Eýropa baǵytynda da tarmaqtalǵan júıesi bolǵan edi. Ázirshe sanktsııa joq. Sondyqtan qandaı da bir kólemdi basqa jaqqa jóneltý máselesin qarastyryp otyrǵan joqpyz. Biz ýaǵdalasqanymyzdaı shtattyq rejımde, Kaspıı qubyr konsortsıýmy arqyly, Samara arqyly jumys isteı beremiz. Bizdiń túrli múmkindigimiz, Aqtaý portymyz, Baltyq qubyr júıesi bar. Biraq, ázirshe olardy qarastyryp otyrǵan joqpyz», - dedi mınıstr Úkimet otyrysynan keıin tilshilerge bergen suhbatynda.
Sonymen qatar ol munaı óndirý kólemin tómendetý de kútilmeıtindigin basa aıtty.
«Óndirýge eń aldymen, satý múmkindigi áser etedi. Eger satý múmkindigi bolsa, onda esh qıyndyq joq ekeni túsinikti. Biz 87,5 mln tonna mólsherinde bekitilgen josparymyzdy qoldanystaǵy ınfraqurylymnyń kúshimen óndire alamyz», - dedi Bolat Aqsholaqov.
