Qazaqstan múgedek arbasyndaǵy tennısten alǵashqy tabysyna qol jetkizdi

ASTANA. QazAqparat – Italııanyń Algero qalasynda múgedek arbasyndaǵy tennısten ITF UNIQLO WHEELCHAIR TENNIS TOUR serııasy boıynsha ótken halyqaralyq týrnırde Qazaqstan alǵashqy tabysyna qol jetkizdi, dep habarlaıdy QazAqparat tilshisi.

Qazaqstan tennıs federatsııasynan málim etkendeı, múgedek arbasyndaǵy tennısten qazaqstandyq sportshylar birinshi ret halyqaralyq dodada baq synady.

El namysyn qaraǵandylyqtar Evgenıı Bykov pen Fedor Starygın jáne aqtóbelik Dastan Nııazov qorǵady.

D.Nııazov fınalǵa deıin jetip, sońǵy básekede ıtalııalyq Alessandro Palonǵa jol berdi – 1:6, 1:6. Ol jarys barysynda aldymen shveıtsarııalyq Devın Rıýshti tize búktirdi – 6:4, 6:1. Sodan keıin shırek jáne jartylaı fınalda ıtalııalyq tennısshilerdi utty.

Evgenıı men Fedor shırek fınalǵa deıin jetti.

Qazaqstan tennıs federatsııasy 2022 jyldan bastap múgedek arbasyndaǵy tennısti damytýdy qolǵa alǵan bolatyn. Alǵash ret Qazaqstan chempıonaty men kýbogi ótkizildi. Múgedek arbasyndaǵy tennıs resmı túrde paralımpııalyq sport túri bolyp sanalady. Osy baǵytta tórt «Úlken dýlyǵa» týrnıri jáne ITF Wheelchair Tennis Tour ITF Wheelchair Tennis Tour jarystary uıymdastyrylyp keledi.

Eske sala keteıik, budan buryn qazaqstandyq tennısshilerdiń Rolan Garros týrnırinde qansha tabys tapqanyn jazǵan edik.

Sondaı-aq qazaqstandyq tennısshi Germanııadaǵy jarysty jeńispen bastady.