Qazaqstan mýaıtaıdan Dechanıdegi álem chempıonatynda úzdik úshtikten kórindi
ASTANA. KAZINFORM - Kosovonyń Dechanı qalasynda ótken mýaıtaıdan álem chempıonatynda Qazaqstan komandasy jalpykomandalyq esepte úshinshi oryn ıelendi, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Álemdik dodaǵa 80 elden 600-ge jýyq sportshy qatysyp, ózara myqtyny anyqtady.
Qazaqstan namysyn 14 sportshy qorǵap, barlyǵy 14 medal jeńip aldy. Onyń ishinde 7 altyn, 3 kúmis jáne 4 qola júlde bar.
Osylaısha qazaqstandyq mýaıtaıshylar joǵary nátıjesimen álemdik arenadaǵy sheberligin taǵy bir márte dáleldedi.
Medaldyq esepte 20 júlde enshilegen vetnamdyqtar birinshi orynǵa jaıǵasty. Olardyń qorjynynda 9 altyn, 6 kúmis jáne 5 qola medal bar. Al Túrkııa quramasy 12 medalmen ekinshi orynǵa ıe boldy. ıAǵnı, 7 altyn, 6 kúmis jáne 7 qola.
Osyǵan deıin tennısshi Janııa Bekmuhambetovanyń Taılandtaǵy WTT týrnırinde qola medal alǵanyn jazdyq.
