Qazaqstan Mońǵolııaǵa gýmanıtarlyq kómek retinde 500 myń AQSh dollaryn bóldi

ALMATY. QazAqparat - Qazaqstan Respýblıkasy Mońǵolııaǵa gýmanıtarlyq kómek retinde 500 myń AQSh dollaryn bóldi, dep habarlaıdy QazAqparat tilshisi. QR Úkimetiniń qaýlysy  Elektrondy úkimet portalynda jarııalandy.

«QR Qarjy mınıstrligi QR Syrtqy ister mınıstrligine QR Úkimetiniń tótenshe rezervinen bıýdjette 2018 jylǵa qarastyrylǵan (Qazaqstan jáne ózge de memleketterdiń terrıtorııasyndaǵy tehnogendi jáne tabıǵı apattardyń saldaryn joıýǵa qoıylǵan) somadan 500 000 AQSh dollaryn Mońǵolııa memleketine gýmanıtarlyq kómek retinde bólý tapsyrylady», - delingen QR Úkimetiniń qaýlysynda.

Aıta ketý kerek, eki el arasynda dıplomatııalyq qarym-qatynas 1992 jyldan beri damyp keledi.

Sońǵy jyldary Qazaqstan Monǵolııaǵa 28 mln AQSh dollary kóleminde taýar eksporttaǵan.