Qazaqstan MMA federatsııasynyń batyrlary Azııa chempıonatyna daıyndalyp jatyr (FOTO)
ASTANA. QazAqparat - Býrabaıdaǵy oqý-jattyǵý kesheninde MAA aralas jekpe-jek boıynsha ІІІ Azııa chempıonatynyń aldyndaǵy Qazaqstan quramasynyń sońǵy jattyǵýy aıaqtaldy. MMA Federatsııanyń baspasóz qyzmeti habarlaǵandaı, Hvasýn qalasynda 6-7 tamyz kúnderi ótetin bıylǵy chempıonatqa Ońtústik Koreıa respýblıkasy qatyspaqshy.
7 salmaq dárejesi boıynsha aralas jekpe-jek óneriniń eń myqty 14 sheberi Qazaqstan Respýblıkasynyń namysyn qorǵamaq. Qazaqstan quramasynyń bas bapkeri Baıan Jańǵalovtyń aıtýynsha, sportshylardyń daıyndyǵy joǵary deńgeıde. Sol arqyly qurama Azııa elderiniń arasynda kóshbasshynyń ornyn saqtap qalýdy maqsat etip otyr.
Esterińizge sala keteıik, MMA boıynsha Qazaqstan quramasy Álem chempıonattarynda 2013 jyly, 2014 jáne 2015 jyldary ekinshi oryn ıelengen. Azııa chempıonatynda sońǵy eki jyldan beri Qazaqstan jalpy komandalyq esepte birinshi oryndy bermeı keledi. 
