Qazaqstan MMA boıynsha Álem chempıonatynda úzdik úshtikten kórindi
ASTANA. QazAqparat - Qazaqstan Bahreın memleketinde MMA sport túri boıynsha ótip jatqan Álem chempıonatynda úzdik úshtikke endi, dep habarlaıdy QazAqparat tilshisi QR MMA federatsııasynyń baspasóz qyzmetine silteme jasap.
«QR MMA federatsııasy osy chempınatta úzdik úshtikke enýdi kózdegen bolatyn. Jospar oryndaldy - Qazaqstan sportshylary bul asýdy jarystyń úshinshi kúni baǵyndyrdy», - delingen habarlamada.
Qazaqstan quramasynyń qyzdar arasynda birinshi bolyp 56,7 kelige deıingi salmaqta Gúlmıra Nuǵymanova shyqty. Ol Vengrııadan kelgen Aleksandra Kovaksqa qarsy aıqas ótkizdi. Tartys bizdiń bastaýysh synyp muǵalimi úshin ońaıǵa túsken joq. Gúlmıra taktıkalyq qatelikke jol berip, tehnıkalyq jeńiliske ushyrady.
52,2 kelige deıingi salmaqta Aıan Tursyn Bahreınniń Hen Rask atty sportshysymen aıqasqa shyǵyp, tóreshilerdiń biraýyz sheshimimen jeńiske jetti.
Jeńil salmaqtardyń sanatyna jatatyn 56,7 kelige deıingi kategorııada Dastan Jaqypbekov óziniń qarsylasyna laıyqty jaýap bergenimen, tóreshilerdiń sheshimi boıynsha jeńiliske ushyrady. Dál osy salmaqtaǵy Ernaz Musabek úndistandyq Shıba Raıdy qylqyndyrý ádisi arqyly «úıine» qaıtarǵan.
61,2 kelige deıingi salmaq kategorııasynda Oljas Moldaǵalıev osy chempıonattaǵy óte kúrdeli kezdesýin ótkizip, aqyry Reseıden kelgen qarsylasy Valerıı Palatovtan basym túsken. Dinıslam Jetpisov jankúıerleriniń zor qoldaýyna ıe bolyp, avstralııalyq qarsylasy Abzı Mahdvıdi qapy qaldyrǵan.
65,8 kelige deıingi salmaqta Mereı Jubanov Bahreınden kelgen legıoner Abdýlmanap Magomedovtiń aýyr soqqysynan keıin esinen aıyrylyp, jeńilistiń dámin aşy tatqan.
Jeńil salmaq dárejesinde 77,1 kelige deıingi aıqasta Azııa chempıony Jan Kenjebaev sýdıalardyń sheshimimen Belgııadan kelgen sportshydan jeńildi.
93 kelige deıingi salmaqta Qudaıbergen Tóleýbaev Belorýssııanyń týyn kótergen Pavel Pahomenkoǵa jol berdi.
Eske sala ketsek, Bahreınde MMA sport túrinen álem chempıonaty 12 qarasha kúni bastalǵan bolatyn. Onda 14 salmaq dárejesinde 51 elden 252 sportshy baq synaýda. Qazaqstan namysyn qorǵaýǵa Ulttyq quramanyń 15 sportshysy attanǵan.
