Qazaqstan mıgranttarǵa qatysty halyqaralyq talaptardy tolyq oryndap otyr - Bas prokýratýra
ASTANA. 27 qarasha. QazAqparat /Aıdar Ospanalıev/- Eńbek mıgratsııasy óte kúrdeli úderisterdiń biri. Sondyqtan bul salada birshama máselelerdiń bar ekeni ras. Biraq bul baǵytta Qazaqstan óziniń halyqaralyq mindettemelerin oryndap keledi.
Bul týraly Astanda ótip jatqan EQYU Sammıtiniń Sholý konferentsııasynda Bas prokýratýranyń departament bastyǵy Andreı Kravchenko málim etti.
Onyń aıtýynsha, Qazaqstan óz elindegi zańnamalardy da halyqaralyq normalarǵa sáıkestendirgen. Olar qazir eldegi mıgranttardyń quqyqtaryn qorǵaýǵa tolyǵymen múmkindik beredi. «Sonymen qatar jaqynda ǵana elimizde «Bosqyndar týraly» zań qabyldanyp jumys isteýde. Bizde qazir ásirese eńbek mıgratsııasy salasynda birshama ilgerileýshilikter bar. Elimiz eńbek mıgranttarynyń quqyqtaryn qamtamasyz etýge barynsha kúsh salyp otyr. Bul baǵytta memlekette arnaıy normatıvtik- quqyqtyq akti de qabyldandy. Sonymen qatar jaqynda eldegi zańsyz mıgranttardyń máselelerin sheshý sharalary iske asyryldy. ıAǵnı biz kóship-qonýshylarǵa ózderiniń mártebelerin zańdastyrý úshin jeńildikter jasadyq», dedi Bas prokýratýra ókili.
Onyń sózine qaraǵanda, búgingi jıynda mıgranttardyń balalaryn oqytý máselesi ótkir qoıyldy. «Qazaqstan
qazir bul salada da óziniń halyqaralyq mindetterin oryndap otyr. «Balalar ata-analarynyń qandaı mártebede bolǵandyǵyna qaramastan bilim alýǵa múmkindikteri bolýy kerek. Al olardyń ata-analary elimizdiń kóshi-qon zańnamalaryna saı júrgenderi durys», dedi A.Kravchenko.
