Qazaqstan mezgilsiz ólim-jitimdi tómendetýge qol jetkizgen álemdegi 10 eldiń birine aınaldy — DDU
ASTANA. KAZINFORM — Qazaqstan sozylmaly ınfektsııalyq emes aýrýlardan bolatyn mezgilsiz ólim-jitimdi tómendetýge qol jetkizgen álemdegi 10 eldiń birine aınaldy. DDU Eýropalyq óńirlik bıýrosynyń dırektory Hans Klıýge bul rette memlekettik qoldaý sharalary mańyzdy ról atqarǵanyn atap ótti. Bul týraly QR Densaýlyq saqtaý mınıstrligi málim etti.
— Qazaqstan — júrek-qan tamyrlary aýrýlary, onkologııalyq jáne basqa da sozylmaly juqpaly emes aýrýlardan bolatyn mezgilsiz ólim-jitimdi tómendetýge qol jetkizgen álemdegi on eldiń biri. Qazaqstannyń aldyn alý salasynda qabyldap jatqan sharalary úlken áser etti: veıpterge tyıym salyndy, alkogolge qatysty qatań saıasat júrgizilýde, adam papıllomasy vırýsyna qarsy ekpe salý baǵdarlamasy júzege asyrylýda, — dep atap ótti Hans Klıýge.
Ol sondaı-aq kóp uzamaı DDU qamqorlyǵymen Qazaqstan men DDU Eýropalyq bıýrosy arasyndaǵy yntymaqtastyq aıasynda joǵary bilikti kadrlardy daıarlaý júzege asyrylatyn Alǵashqy medıtsınalyq-sanıtarlyq kómek akademııasyn ashý josparlanyp otyrǵanyn aıtty. Jas mamandar alǵashqy medıtsınalyq-sanıtarlyq kómek deńgeıinde oqyp, medıtsınalyq qyzmet kórsetetin bolady.
Buǵan deıin habarlanǵandaı, AQSh Dúnıejúzilik densaýlyq saqtaý uıymynan shyqty.