Elimizdegi dámhanalarda aýyzashar qansha turady
AQTÓBE. KAZINFORM – Ramazan aıynda meıramhanalar men dámhanalar arnaıy as mázirin usynady. Kazinform agenttiginiń tilshisi keshki astyń baǵasyn bildi.
Búginnen bastap qoǵamdyq tamaqtaný oryndary túrli as mázirin usynady. Mázirde birinshi jáne ekinshi ystyq tamaq, shyryn men shaıǵa arnalǵan táttiler bar. Máselen aldymen túrli sorpany tańdaýǵa bolady. Al, ystyq tamaqtan manty, qýyrdaq pen kúrish jeýge bolady. Sonymen birge aýyzashar kezinde túrli kókónisten jasalǵan jeńil salattarǵa da tapsyrys qabyldanady. Shaı dastarqanyna keptirilgen jemis nemese shyǵys táttileri usynylady. Qazirgi kezde barlyq meıramhana men dámhanada qurma men sý tegin beriledi.
Qazaqstan boıynsha bir adamǵa arnalǵan mázir quny 3 myń teńgeden bastalyp, 7 myńǵa deıin jetedi.
Astana, Atyraý, Almaty men Aqtóbede daıyn mázirdegi aýyzashar baǵasy joǵary. Munda keshki tamaq 5 000 teńgeden bastalyp, adam basyna 15 000 teńgege deıin jetedi.
Qyzylorda, Túrkistan, Kókshetaý, Petropavl, Pavlodar, Oral, Qaraǵandyda baǵa tómen. Munda bir adamǵa arnalǵan aýyzashar máziri 2 500 teńgeden bastalady.
Jezqazǵan, Aqtaý, Qostanaı, Óskemen, Semeı, Taldyqorǵan, Qonaev, Shymkent pen Tarazda aýyzashar mázirindegi taǵam baǵasy 3 000 teńgeden bastalady.
Astana – 5 000-15 000 tg/adam
Almaty – 3 000-12 000 tg/adam
Qaraǵandy – 2 500-6 000 tg/adam
Jezqazgan – 3 500-7 000 tg/adam
Aqtaý – 3 500-7 500 tg/adam
Atyraý – 7 000-13 000 tg/adam
Aqtóbe – 3 500-12 000 tg/adam
Oral – 2 500-5 000 tg/adam
Pavlodar – 2 500-9 000 tg/adam
Petropavl – 2 500-5 500 tg/adam
Kókshetaý – 2 000-8 500 tg/adam
Qostanaı – 3 200-5 500 tg/adam
Óskemen – 4 250-6 000 tg/adam
Semeı – 4 500-7 000 tg/adam
Taldyqorǵan – 3 000-4 000 tg/adam
Qonaev – 3 500-6 000 tg/adam
Qyzylorda – 2 500-6 000 tg/adam
Shymkent – 4 000-9 000 tg/adam
Taraz – 3 000-10 000 tg/adam
Túrkistan – 2 500-5 000 tg/adam
Aıta keteıik, Bas múftı Naýryzbaı qajy Taǵanuly qoǵamdyq tamaqtaný oryndarynda aýyzashar mázirin halyqqa yńǵaıly baǵamen usyný kerek.