Qazaqstan metallýrgııaǵa qajetti shıkizatty Aýǵanstan men Qyrǵyzstannan ımporttaıdy
ASTANA. KAZINFORM – Qazaqstan metallýrgııa salasyna qajetti shıkizatty Aýǵanstan men Qyrǵyzstannan ımporttaý jóninde kelisim jasady. Bul týraly Úkimet otyrysynda Ónerkásip jáne qurylys mınıstri Ersaıyn Naǵaspaev málimdedi.
Mınıstrdiń aıtýynsha, bıylǵy birinshi jartyjyldyqtyń qorytyndysy boıynsha metallýrgııada óndiris kólemi 97,3 paıyz bolǵan.
– Sala kásiporyndarynda josparly jóndeý jumystarynyń júrgizilýi jáne ken sapasynyń tómendeýi sııaqty birqatar faktordyń áserinen óndiris kóleminde tómendeý baıqalyp otyr, – dedi Ersaıyn Naǵaspaev.
Soǵan qaramastan, saladaǵy kórsetkish bes aıda 1,8 paıyzǵa artqan. Mınıstr bul ósim kásiporyndardy shıkizatpen qamtamasyz etý baǵytynda qabyldanǵan sharalardyń nátıjesi ekenin atap ótti.
- Atap aıtqanda, otandyq óndirýshilerdiń metallýrgııa kásiporyndaryna mys, myrysh jáne quramynda altyny bar shıkizat jetkizý kólemi ulǵaıdy. Sonymen qatar myrysh kontsentratyn jetkizý qaıta jandanyp, Aýǵanstan men Qyrǵyzstannan shıkizat ımporttaý jóninde kelisim jasaldy, - dedi ol.
Aıta keteıik, birinshi jarty jyldyqta óńdeý ónerkásibi 9,8%-ǵa ósti.
