Qazaqstan Meta-men birge JI mamandaryn daıarlaıdy
ASTANA. KAZINFORM — Qazaqstan Meta-men birge JI mamandaryn ázirleıtin baǵdarlamany iske qosady. Bul týraly Tsıfrlyq damý, ınnovatsııa jáne aeroǵarysh ónerkásibi mınıstri Jaslan Mádıev Astana halyqaralyq forýmynyń kýlýarynda aıtty.
Forým aıasynda Tsıfrlyq damý, ınnovatsııa jáne aeroǵarysh ónerkásibi mınıstrligi Meta jáne Blockchain & AI Technology Centre kompanııasynyń úshtigi Meta LLaMA Accelerator Kazakhstan baǵdarlamasyn ázirleý týraly kelisimshartqa qol qoıdy.
Bul bastama Qazaqstannyń jasandy ıntellekt salasyndaǵy tehnologııalyq áleýetin pash etip, LLM model3n34 bazasynda open-source sheshimderdi damytýǵa arnalǵan. Sol arqyly KazLLM júıeseniń bazasynda memlekettik sektor men bıznestiń sharýasyn shıratyp, startaptardy damytýǵa, akseleratsııalyq baǵdarlamalar arqyly halyqaralyq deńgeıdegi tálimgerliktiń órisin keńeıtýge jol ashý kózdelip otyr.
— Bul mańyzdy oqıǵa. Meta kompanııasynyń akseleratsııalyq baǵdarlamasyn iske qosqaly otyrmyz. Baǵdarlama jasandy ıntellekt bazasynda jahandyq deńgeıdegi aýqymǵa shyǵa alatyn ónimder men jobalar jasaıtyn mamandardy oqytýǵa múmkindik beredi. Ol úshin qajetti esepteý qýaty, sýperkompıýterlerge qol jetkizý múmkindigi beriledi. Meta-men birge osy jobasy iske asyrsaq, kúzde bolatyn Digital Bridge forýmynda alǵashqy jeńimpazdar paıda bolady dep úmittenemiz, — dedi Jaslan Mádıev.
Aıta keteıik, elordada Memleket basshysy Qasym-Jomart Toqaevtyń qatysýymen Astana halyqaralyq forýmy ótip jatyr.