Qazaqstan meshiti álemniń 10 tańǵajaıyp meshitiniń qataryna endi
ASTANA. QazAqparat - Qazaqstan meshiti álemniń 10 tańǵajaıyp meshitiniń qataryna endi, dep jazady e-islam.kz.
1. Máshhúr Júsip meshiti (Qazaqstan). 8 qyrly, 48×48 metrlik meshittiń munarasy - 63 metr, Jarty aı qoıylǵan kúmbeziniń bıiktigi - 54 metr. Kúmbez túsi - aspan tústes, shańyraq formasyn eske salady. Meshittiń arhıtektýrasy ashylǵan júrekti kóz aldyńyzǵa keltiredi. Beıne bir ol júrek beıbitshilik pen meıirimge jol bastap turǵandaı.
2. Móldir meshit (Malaızııa). Bul meshitti 2008 jyly 8 aqpanda HІІІ ıAng dı-Pertýan Agong, sultan Trengan Mızan Zaınal Abıdın ashqan bolatyn. Bir mezgilde 1500 adam erkin sııatyn ǵıbadat orny. Temir betonnan quıylyp, shynymen qaptalǵan. Meshit jeti tústen turatyn ózgermeli kóleńke jaryqpen kómkerilgen.
3. Feısal meshiti (Pákistan). Bul meshit úlkendigimen erekshelenedi. 5000 sharshy metrdi qamtıtyn meshitke bir mezgilde 300 000 musylman syıady.
4. Shakırın meshiti (Túrkııa). Túrkııadaǵy eń zamanaýı meshitterdiń biri. 5. Djennen jumalyq meshiti (Malı). Balshyqtan jasalǵan eń úlken ǵımarat. Negizi 1906 jyly qalanǵan. Malıdaǵy Banı ózeniniń saǵasynda ornalasqan. "Eski qala Djennemen" birge 1988 jyly ıÝNESKO-nyń Búkilálemdik muralar tizimine engen.
6. Kýl Sharıf meshiti (Reseı). Tatarstandaǵy Kýl Sharıf meshiti memlekettiń eń bir abyroıy asqaq ǵımarattary bolyp sanalady. Munarasynyń kóptigimen, XVI ǵasyrda Qazan handyǵynyń úlken ortalyǵy bolǵan meshittiń jańarǵan, qaıta jasaqtalǵan túri.
7. Pýtra meshiti (Malaızııa). Pýtra meshiti 1997-1999 jyldary Malaızııanyń jańa ákimshilik ortalyǵyna salynǵan. Pýtradjaıa qalasyndaǵy jasandy Pýtraıava kóliniń jaǵalaýyna salynǵan meshit Malaızııa premer-mınıstriniń rezıdentsııasynyń qasyna ornalastyrylǵan.
8. Ýbýdıı meshiti (Malaızııa). 1917 jyly sultan Idrıs shah basqaryp turǵan kezeńde, onyń buıryǵymen adam densaýlyǵyna oń áser berý úshin salynǵan meshit.
9. Baıtýnnýr meshiti (Kanada). Ahmadıııa musylman qaýymdastyǵynyń meshiti. 3000 adamǵa arnalǵan Kaanadadaǵy eń úlken meshit.
10. Sultan Omar Alı Saıfýddın meshiti (Brýneı). Brýneı astanasy Bandar-Serı-Begavanda ornalasqan Koroldik meshiti. Azııa-Tynyq muhıty aımaǵyndaǵy eń tańǵajaıyp orynǵa jatqyzýǵa bolady.
