Qazaqstan mergenderi álem chempıonatynan taǵy 4 medal aldy
ASTANA. QazAqparat – Ońtústik Koreıanyń Chhanvon qalasynda jasóspirimder arasynda nysana kózdeýden ótip jatqan álem chempıonatynda Qazaqstan quramasy taǵy 4 medaldi jeńip aldy, dep habarlaıdy QazAqparat tilshisi.
Sportty damytý dırektsııasy baspasóz qyzmetinen málim etkendeı, Qazaqstan qyzdar quramasy jyljymaly nysana kózdeýden (10 m) Ýkraına sportshylaryn qapy qaldyryp, chempıon atandy.
El namysyn qorǵaǵan apaly-sińlili Zýhra men Fatıma Ernazarova jáne Aleksandra Sádýaqasova atalǵan jattyǵýda eresekter arasyndaǵy álem rekordyn jańartty (1686 upaı).
Osy synda elimizdiń bozbalalar quramasy ýkraınalyqtarǵa jol berip, kúmis medalǵa qol sozdy.
Qurama sapynda Asadbek Nazırkýlev, Ilıa Zoteev, Danııl ıAkovenko baq synady.
Sonymen qatar jyljymaly nysana kózdeýden jekeleı synda Fatıma Ernazarova ekinshi orynǵa kóterildi. Ol fınalda ýkraınalyq Markanı Tarkanıge (4-6) jol berdi.
Fatımanyń irikteýde jınaǵan 572 upaıy jasóspirimder arasyndaǵy jańa álem rekordy retinde tirkeldi.
Taǵy bir otandasymyz Aleksandra Sádýaqasova qola medal úshin matchta ýkraınalyq Alına Tkalıkten jeńilip qaldy.
Al Nıkıta Chırıýkın 25 metrden tapanshamen (standart) oq atýda kúmis júldege ıe boldy (572 upaı). Nıkıta tek jarys qojaıyny Sýk Jın Hongqa ese jiberdi (578 upaı). Bul – N.Chırıýkınniń osy birinshiliktegi ekinshi medali.
Eske sala keteıik, budan buryn nysana kózdeýden álem chempıonatynda qazaqstandyq Arına Altýhovanyń kúmis jeńip alǵanyn jazǵan bolatynbyz.
Sondaı-aq Nıkıta Chırıýkın nysana kózdeýden álem chempıony atandy.
