Qazaqstan menshik quqyǵyn qorǵaý boıynsha álemdik reıtıngide 71-orynda tur

NUR-SULTAN. QazAqparat – Qazaqstan menshik quqyǵyn qorǵaý deńgeıi boıynsha álemdik reıtıngide 129 eldiń ishinde 71-orynǵa turaqtady, dep habarlaıdy QazAqparat tilshisi Ranking.kz resýrsyna silteme jasap.

Ranking.kz deregine saı, Qazaqstannyń ındeksi – 5,275 ball. Elimizdiń quqyqtyq jáne saıası orta qosalqy ındeksi 3,833 ballǵa deıin tómendedi. Atap aıtqanda, sot táýelsizdigi – 4,673, zańnyń ústemdigi – 4,091, saıası turaqtylyq – 3,121 jáne sybaılas jemqorlyqqa qarsy kúres – 3,445 ball boldy.

Zııatkerlik menshik quqyqtary boıynsha qosalqy ındeks 4,774 ballǵa deıin ósti. ıAǵnı, zııatkerlik menshikti qorǵaý – 5,213, patentteý – 5,783, avtorlyq quqyqty qorǵaý – 2,6 jáne taýar tańbasyn qorǵaý boıynsha ındeksi – 5,859 ballǵa deıin kóterildi.

Reıtıngige sáıkes, TMD elderiniń arasynda Ázerbaıjan men Armenııada menshik quqyǵy jaqsy qorǵalǵan. Reseı, Moldova jáne Ýkraınadaǵy kórsetkishter Qazaqstan ındeksterinen tómen.

Al, álemde azamattardyń menshik quqyǵy Shveıtsarııa, Sıngapýr jáne Jańa Zelandııada eń jaqsy qorǵalǵan. Eń álsiz qorǵalǵan el – Gaıtı.