Qazaqstan meniń - Otanym - Sheráli Abdýrasýlov

TÚRKІSTAN. KAZINFORM – Túrkistanda alty til biletin polıglot polıtseı turady.

Túrkistan qalasynyń turǵyny Sheráli Abdýrasýlov týrıstik polıtsııada qyzmet etedi. 35 jastaǵy aǵa leıtenantqa júktelgen negizi mindet – Túrkistanǵa kelgen týrısterge qyzmet kórsetý, qaýipsizdigin qorǵap, qoǵamdyq tynyshtyqty saqtaý. Bul baǵytta ınspektor abyroıly qyzmetimen kórinip keledi. 

«Kesene mańy bolǵandyqtan munda urlyq faktileri, quqyqbuzýshylyqtar kóp oryn almaıdy. Kóbinese kelgen týrıster zattaryn joǵaltyp alyp jatady nemese meken–jaıdan adasyp ketedi. Sol kisilerge qyzmet kórsetemiz. Birde ózbekstandyq ájeıdiń joǵalǵan kıimderin taýyp berdik. Sondaı–aq, adasyp qalǵan Qyrǵyzstan azamatyn avtovokzalǵa jetkizip saldyq. Aqshalyryn joǵaltyp alǵan túrik azamatyna da kómektestik» – deıdi tártip saqshysy.

Sheráli Bahadúruly alty tilde erkin sóıleıdi. Qazaq, ózbek, orys, qyrǵyz, tájik, aǵylshyn tilderin erkin meńgergen. Qazir qytaı tilin úırenýge yntalanyp júr. ıAǵnı, qalaǵa kelgen týrıstermende ortaq til tabysa alady. 

«Bizdiń týrıstik polıtsııada polıglottar jumys isteıdi. Sodan barshamyz shet tilderin úırenip alǵanbyz» – deıdi aǵa leıtenant.

Sheráli únemi qazaqtyń salt–dástúrin berik ustanady. Úıde ulttyq taǵamdar dastarhannan úzilmeıdi. Qurt pen irimshikti qaltasyna salyp alatyn kezderi kóp. 

Al, aptasyna eki ret beshmarmaq daıyndaý Abdýrasýlovtar shańyraǵy úshin úırenshikti dúnıege aınalǵan. 

«Qazaqstanda týyp óstim. Qazaq tilin – ana tilim dep bilemiz. Al, beshbarmaq súıikti asymyz. Aptasyna eki ret et asyp, qamyr jeımiz. Odan basqa da salt dástúrlerdi berik ustanamyz. Osyndaı yntymaqty uran, birlikti tý etken elde turyp jatqanymyzdy maqtan tutamyn. Qazaqstan meniń – Otanym» deıdi ol.