Qazaqstan men Japonııa kómirtegi jobalary boıynsha yntymaqtastyqty kúsheıtedi
ASTANA. KAZINFORM - Qazaqstan Respýblıkasy Ekologııa jáne tabıǵı resýrstar vıtse-mınıstri Mansur Oshýrbaev Marubeni Corporation japon kompanııasynyń ókilderimen kezdesti, dep habarlaıdy QR Ekologııa jáne tabıǵı resýrstar mınıstrliginiń baspasóz qyzmeti.
Kezdesý barysynda Parıj kelisiminiń 6-baby aıasynda birqatar jobany iske asyrý perspektıvalary, sondaı-aq Birlesken kredıtteý tetigi (JCM) sheńberindegi yntymaqtastyqty odan ári damytý máseleleri talqylandy.
Kezdesý barysynda 2026 jylǵy 8 shildede Memleket basshysy «Ekologııa máseleleri jáne ekonomıkanyń jekelegen salalaryn jetildirý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıǵany atap ótildi.
Atalǵan Zań Parıj kelisiminiń 6.2 jáne 6.4-baptarynda kózdelgen halyqaralyq kómirtegi tetikteri aıasynda parnıktik gazdar shyǵaryndylaryn qysqartý jáne sińirý jónindegi jobalardy iske asyrýdyń quqyqtyq negizin qalyptastyrady.
Osyǵan baılanysty mınıstrlik japon tarapymen yntymaqtastyqty odan ári nyǵaıtý jáne Birlesken kredıtteý tetigi (JCM) sheńberindegi jobalardy iske asyrý jónindegi jumysty jalǵastyrady.
Omyǵan deıin Qazaqstan men Japonııa arasynda tikeleı áýe reısi ashylýy múmkin ekeni týraly jazdyq.
