Qazaqstan men Japonııa kelissóz qorytyndysynda resmı qujattarǵa qol qoıdy
TOKIO. KAZINFORM – Kelissóz qorytyndysy boıynsha Prezıdent Qasym-Jomart Toqaev pen Premer-mınıstr Sanae Takaıchı Birlesken málimdeme qabyldady. Bul týraly Aqordanyń baspasóz qyzmeti habarlady.
Eki eldiń resmı delegatsııa músheleri 14 úkimetaralyq jáne vedomstvoaralyq qujatqa qol qoıdy.
Aıta keteıik, Qasym-Jomart Toqaev Japonııaǵa resmı saparmen bardy. Sonymen qatar Tokıoda jalpy quny 3,7 mlrd dollardan asatyn kelisimderge qol qoıylady.
Memleket basshysy Japonııa Imperatory Narýhıtomen kezdesti. Sondaı-aq Qasym-Jomart Toqaevtyń qurmetine resmı qabyldaý ótti. Keıin Toqaev Meıdjı Djıngý ǵıbadathanasyn aralap kórdi. Sonymen qatar Qasym-Jomart Toqaev Japonııada turyp jatqan qazaqstandyqtarmen kezdesti jáne Japonııa Parlamentiniń Qazaqstanmen dostyq lıgasy múshelerimen kezdesti.
Búgin Japonııa Premer-mınıstriniń ofısinde Qasym-Jomart Toqaevty resmı qarsy alý rásimi ótti.
Prezıdent Japonııanyń Premer-mınıstri Sanae Takaıchımen kelissóz júrgizgen edi.