Qazaqstan men Japonııa dıplomattary vızalyq talaptar bosatyldy
ASTANA. Qazaqparat - Búgin Qazaqstan Respýblıkasy Syrtqy ister mınıstrliginde 2017 jylǵy 1 qańtardan bastap Japonııa men Qazaqstan Respýblıkasynyń dıplomatııalyq jáne qyzmettik tólqujat ıelerin vızalyq talaptan bosatý týraly aýyzsha nota almasý rásimi ótti. Bul týraly mınıstrliktiń baspasóz qyzmeti habarlady.
Eki el laýazymdy tulǵalarynyń vızasyz sapary Qazaqstan men Japonııa arasyndaǵy saýda-ekonomıkalyq yntymaqtastyqty jandandyrý jáne saıası baılanystardy odan ári alǵa jyljytýǵa yqpal etetin bolady.
«Búgin, Qazaqstan Prezıdenti Nursultan Nazarbaevtyń Japonııaǵa resmı saparymen bir ýaqytta biz 2017 jylǵy 1 qańtardan bastap dıplomatııalyq jáne qyzmettik tólqujat ıelerin vızalyq talaptan bosatý týraly aýyzsha notalarmen almastyq. Budan basqa, Memleket basshysynyń 2017 jylǵy 1 qańtardan bastap qazaqstandyq dıplomatııanyń ekonomıkalyq baǵyttylyǵyn kúsheıtý boıynsha tapsyrmasy aıasynda Japonııa ulttyq tólqujat ıeleri úshin 30 kúnge deıingi merzimge vızasyz rejim belgilendi. Bul ınvestıtsııa, jańa tehnologııalar, týrızm salasyndaǵy eki eldiń bıznes-qurylymdary arasynda iskerlik baılanysty arttyrýǵa yqpal etedi», - dedi QR SІM Konsýldyq qyzmet departamentiniń dırektory Ardaq Mádıev.
