Qazaqstan men Japonııa áýe qatynasyn qaıta bastaýǵa daıyn

ASTANA. KAZINFORM — Azamattyq avıatsııa komıtetiniń tóraǵasy Saltanat Tompıeva Japonııanyń Qazaqstandaǵy Tótenshe jáne Ókiletti Elshisi ıAmada Djýn myrzamen kezdesti.

Kezdesý barysynda taraptar Qazaqstan men Japonııa arasyndaǵy áýe qatynasyn qalpyna keltirý máselesin talqylady. 

Saltanat Tompıeva qazaqstandyq áýe kompanııalar 2025 jyldyń birinshi jartysynda eki el arasynda tikeleı áýe qatynasyn ashý múmkindigin qarastyryp jatqanyn habarlady.

ıAmada myrza óz kezeginde bul máselede jan-jaqty qoldaý kórsetýge daıyn ekenin habarlady. 

Kezdesý qorytyndysy boıynsha taraptar elder arasyndaǵy ekonomıkalyq, iskerlik jáne mádenı yntymaqtastyqty keńeıtý úshin áýe qatynasyn qalpyna keltirý boıynsha birlesken jumysty jalǵastyrýǵa kelisti.