Qazaqstan men Japonııa arasynda tikeleı áýe reısi ashylýy múmkin
ASTANA.KAZINFORM – Azamattyq avıatsııa komıtetiniń tóraǵasy japon bıznesiniń ókilderimen kezdesti.
Astanada Azamattyq avıatsııa komıtetiniń tóraǵasy Saltanat Tompıeva Japonııa delegatsııasynyń ókilderimen kezdesti. Kezdesýge Japonııanyń Qazaqstan Respýblıkasyndaǵy Tótenshe jáne Ókiletti Elshisi ıAsýmasa Iıdjıma myrza, KEIDANREN janyndaǵy Japonııa – TMD Іskerlik yntymaqtastyq komıtetiniń tóraǵasy Takeshı Hashımoto myrza, ANA Holdings Inc. Kompanııasynyń (quramyna All Nippon Airways áýe kompanııasy kiredi) vıtse-prezıdenti Takesıta ıÝtaka myrza jáne japon bıznesiniń basqa da ókilderi qatysty.
Taraptar azamattyq avıatsııa salasyndaǵy yntymaqtastyqty damytý perspektıvalaryn talqylady. Qazirgi ýaqytta Qazaqstan men Japonııa arasynda tikeleı áýe qatynasyn ashý máselesi pysyqtalyp jatyr.
Bul bastama eki el arasyndaǵy týrızmdi, saýda-sattyqty, ınvestıtsııalardy jáne iskerlik baılanystardy damytýǵa mańyzdy serpin beredi.
Sonymen qatar kezdesý barysynda vızalyq rejımge jáne tikeleı reısterdi iske qosýǵa qatysty máseleler qarastyryldy.
Aıta keteıik, Aqtaýdan Úrimshige jáne Astanadan Ystyqkólge tikeleı reıster ashyldy.
Almatydan álemniń 53 qalasyna tikeleı áýe reısi bar.
