Qazaqstan men ıÝNESKO tótenshe jaǵdaılarǵa qatysty memorandýmǵa qol qoıady
ASTANA. KAZINFORM — Qazaqstannyń Tótenshe jaǵdaılar mınıstrligi men ıÝNESKO halyqty tabıǵı apattardan qorǵaý baǵytynda yntymaqtastyq týraly memorandýmǵa qol qoıýdy josparlap otyr.
Atap aıtqanda, elordadaǵy Óńirlik ekologııalyq sammıt aıasynda Ortalyq Azııadaǵy tótenshe jaǵdaı táýekelderin azaıtý men dabyl júıesin jetildirýge arnalǵan sessııa otyrysy ótip jatyr.
ıÝNESKO-nyń Almatydaǵy aımaqtyq keńsesiniń dırektory ókili Amır Pırıchtiń aıtýynsha, Ortalyq Azııaǵa klımattyq ózgerister aıtarlyqtaı áser etýi múmkin.
— Esepteýlerge qaraǵanda, keıingi 50 jylda muzdyqtar 20-30 paıyzǵa azaıǵan. Bul jaǵdaı sý resýrstaryna áser etip, sý tasqyny qaýpin arttyrady, - dedi ol.
ıÝNESKO halyqaralyq seriktesterdiń qoldaýymen halyqqa tónetin qaterdi azaıtý, onyń ishinde erte habarlaý júıesin damytý boıynsha jobalardy júzege asyryp keledi. Mundaı júıeler, adamdar men ınfraqurylymdy qorǵaýdyń negizgi quraly bolady.
Bul bastama BUU-nyń 2027 jylǵa qaraı halyqty tabıǵı qaýip-qaterden qorǵaýdy qamtamasyz etýge baǵyttalǵan jahandyq kún tártibine de sáıkes keledi.
Óz kezeginde QR Tótenshe jaǵdaılar vıtse-mınıstri Erbolat Sadyrbaev Qazaqstan men ıÝNESKO tótenshe jaǵdaılardy aldyn alý boıynsha yntymaqtastyqty nyǵaıtýǵa nıetti ekenin málimdedi.
— Birlesken jumysymyzdyń nátıjesinde memorandýmǵa qol qoıamyz. Memorandým oń nátıje beredi dep senemiz, - dedi E.Sadyrbaev.
Aıta keteıik, sammıt barysynda Ortalyq Azııadaǵy muzdyqtar jyldam erip jatqany aıtyldy.
