Qazaqstan men Vetnam qorshaǵan ortany qorǵaý salasyndaǵy yntymaqtastyqty damytýda
ASTANA. KAZINFORM – Qazaqstan Respýblıkasynyń Elshisi Qanat Tumysh Vetnam Sotsıalıstik Respýblıkasynyń Qorshaǵan orta jáne tabıǵı resýrstar mınıstri Do Dyk Zıýımen kezdesý ótkizdi, dep habarlaıdy QR SІM baspasóz qyzmeti.
Kezdesý barysynda eki el arasyndaǵy ekijaqty jáne kópjaqty ózara is-qımyldyń keıbir ózekti máseleleri jáne onyń keńeıýi men damý perspektıvalary qaraldy. Atap aıtqanda, eki eldiń ekologııa, qorshaǵan ortany qorǵaý, mıneraldyq jáne tabıǵı resýrstardyń ózge de túrleri, taý-ken ónerkásibi salalaryndaǵy, sondaı-aq aǵymdaǵy jylǵy 11-22 qarashada Baký qalasynda ótetin BUU-nyń Klımattyń ózgerýi máseleleri jónindegi konferentsııasy (COP-29) sheńberindegi yntymaqtastyq taqyryby qozǵaldy.
Sonymen qatar taraptar 2024 jyldyń kókteminde Qazaqstandaǵy iri sý tasqyny men qyrkúıektegi «ıAgı» taıfýny – Ońtústik Shyǵys Azııaǵa soqqan sońǵy jyldardaǵy eń kúshti daýyl, sondaı-aq osyndaı tabıǵı apattar jaǵdaıynda jedel ózara is-qımyl men ózara kómek kórsetýdiń yqtımal joldaryn talqylady.
Qazaq dıplomaty vetnamdyq mınıstrge QR Prezıdenti Qasym-Jomart Toqaevtyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Qazaqstan halqyna Joldaýynyń negizgi aspektileri týraly, sondaı-aq ú.j. 6 qazanda Qazaqstanda atom elektr stantsııasyn salý máselesi boıynsha josparlanǵan jalpyulttyq referendým týraly habardar etti.
Mınıstr Zıýı «Qazaqstandaǵy saıası jáne ekonomıkalyq reformalardyń aýqymdylyǵyna, sondaı-aq Qazaqstannyń ońtústiginde ekologııalyq elektr stantsııasyn salýmen mýltıplıkatıvtik áser alatyn atomdy beıbit maqsatta paıdalanýdy keńeıtýden kútiletin úlken oń praktıkalyq nátıjege tań qalǵanyn» atap ótti.
Ol sondaı-aq: «Bıylǵy jyl 1959 jyly Vetnamnyń Tuńǵysh Prezıdenti Ho Shı Mınniń Qazaqstanǵa saparynyń 65 jyldyq mereıtoıymen atalyp ótti. Osy turǵyda tarıhı dostyq pen kooperatsııany eskere otyryp, VSR Qazaqstannyń bastamalaryn qoldaıdy, tájirıbe almasýdy, yntymaqtastyq pen ózara kómekti júzege asyrýdy yntalandyrady, sondaı-aq eki baýyrlas memleketter men halyqtar arasyndaǵy ekijaqty Qazaqstan-Vetnam qatynastaryn tereńdetýge umtylýdy jalǵastyrady», – dedi.
Kezdesý dostyq, yntymaqtastyq jáne ózara qurmet atmosferasynda ótti jáne ózara kooperatsııany sapaly jańa deńgeıge kóterýge baǵyttalǵan.
