Qazaqstan men Vengrııanyń saýda-ekonomıkalyq yntymaqtastyǵy talqylandy

ASTANA. QazAqparat - QR Ulttyq ekonomıka mınıstri Qýandyq Bıshimbaev Vengrııanyń Qazaqstandaǵy Tótenshe jáne Ókiletti elshisi Andrash Baranımen kezdesý ótkizdi, dep habarlaıdy QR Ulttyq ekonomıka mınıstrliginiń baspasóz qyzmeti.

«Taraptar Qazaqstan men Vengrııanyń saýda-ekonomıkalyq, ınvestıtsııalyq yntymaqtastyǵynyń, sonymen qatar aldaǵy  Úkimetaralyq komıssııasynyń 5-otyrysyn uıymdastyrýdyń ózekti máselelerin talqylady», delingen habarlamada.

Budan basqa, elder arasynda odan ári jemisti yntymaqtasý maqsatynda qazaq-vengr strategııalyq keńesiniń quryltaı otyrysyn jáne Úkimetaralyq komıssııa sheńberinde eki eldiń bıznes forýmyn ótkizý týraly kelisimge qol jetkizdi.