Qazaqstan men Vetnam Saýda-ekonomıkalyq yntymaqtastyqty damytatyn is-qımyl josparyna qol qoıdy

HANOI. QazAqparat - 21 tamyzda Memleket basshysynyń Vetnamǵa resmı sapary aıasynda QR Premer-Mınıstriniń orynbasary – saýda jáne ıntegratsııa mınıstri Serik Jumanǵarın men Vetnam Sotsıalıstik Respýblıkasynyń óndiristik jáne saýda mınıstri Ngýen Hong Zıen 2023-2025 jyldarǵa arnalǵan Saýda-ekonomıkalyq yntymaqtastyqty jedel damytý jónindegi úkimetaralyq birlesken is-qımyldar josparyna qol qoıdy, dep habarlaıdy QazAqparat.

Qujat saýda, ınvestıtsııalar, aýyl sharýashylyǵy salasyndaǵy yntymaqtastyqty keńeıtýge, atap aıtqanda, jetkiziletin taýarlar nomenklatýrasyn arttyrýǵa, standarttaý jónindegi arnaıy ekonomıkalyq aımaqtar men vedomstvolar salasyndaǵy ózara is-qımylǵa, vetnamdyq aýyl sharýashylyǵy tehnologııalarynyń transfertine, Almaty men Hoshımın, Aqtaý jáne Danang arasyndaǵy yntymaqtastyqty damytýǵa, sondaı-aq Qazaqstan-Vetnam Іskerlik keńesin qurýǵa baǵyttalǵan.

Qazaqstan men Vetnam arasyndaǵy taýar aınalymy 2023 jylǵy qańtar-maýsym aılarynda $610,9 mln qurady, bul ótken jyldyń sáıkes kezeńimen salystyrǵanda 3,5 ese joǵary ($174,7 mln).

Qazaqstannan Vetnamǵa eksport 2023 jylǵy qańtar-maýsym aılarynda 4,7 esege ósip, 116,6 mln dollardy qurady.