Qazaqstan men Vetnam arasyndaǵy saýda kólemi 3,5 esege artty
Ulttyq ekonomıka mınıstrliginiń málimetinshe, bul rette, Qazaqstannan eksport kólemi 4,7 esege - 24,6 mln dollardan 117,7 mıllıonǵa deıin ósti. Import kólemi 3,3 esege - 150,1 mln dollardan 494,2 mıllıonǵa deıin ósti.
«Bıyl Qazaqstannan Vetnamǵa eksporttyń negizgi kólemi myryshqa tıesili boldy - jetkizý kólemi 83,4 mln dollar nemese jalpy otandyq eksporttyń 71,5%-in qurady. Ótken jyldyń osy kezeńinde Qazaqstannan Vetnamǵa myrysh jetkizilmegenin atap ketken jón. Eksport kólemi boıynsha ekinshi orynda tazartylǵan qorǵasyn ornalasqan, oǵan barlyq eksporttyń 27,7%-i tıesili. Qorǵasyn eksportynyń kólemi 32,3 mln dollardy qurady jáne byltyrǵy kórsetkishke qatysty 5,2 ese ósti», - dep jazdy vedomstvodan.
Qazaqstannan temirden nemese tazartylmaǵan bolattan, asbestten, temekiden, parashıýtterden, kenderden jáne sýrmııalyq kontsentrattardan jasalǵan jalpaq ılem eksporty tolyǵymen toqtady.
Vetnamnan Qazaqstanǵa ımport smartfondardy jetkizý esebinen 3,8 esege – 67 mln-nan 254 mln dollarǵa deıin ulǵaıdy. Mysaly, ımporttaǵy smartfondardyń úlesi 51,4%-ti quraıdy. Sonymen qatar, túrli-tústi beıne monıtorlarynyń jetkizilimderi aıtarlyqtaı ósti - 59 myńnan 71,2 mln dollarǵa deıin (1200 ese), bul jarty jyldaǵy barlyq ımporttyń 14,4%-in quraıdy.
«Vetnamnan ákelingen basqa da negizgi taýarlar: shańsorǵyshtar - 17,2 mln dollarǵa (11,7 mln- nan 46,9%-ke ulǵaıdy); qulaqqaptar – 15,7 mln dollarǵa (11,6 mln – nan 35,7%-ke ulǵaıdy); daýysty, sýretterdi qabyldaýǵa, túrlendirýge jáne jetkizýge nemese qalpyna keltirýge arnalǵan mashınalar - 15,2 mln dollarǵa (5,1 mln-nan 3 ese ulǵaıdy).
Dárilik zattardyń, belsendirilgen kómirdiń, tigin mashınalarynyń jáne qorǵasyn akkýmýlıatorlarynyń ımporty kóleminiń tómendeýi baıqalady», - delingen mınıstrlik habarlamasynda.
Qantty, basqa mashınalardy, agregattardy jáne ónerkásiptik nemese zerthanalyq jabdyqtardy, sondaı-aq shúberekterdi (paıdalanylǵan nemese jańa, toqyma materıaldarynan jasalǵan jińishke jipterdiń, baýlardyń, arqandardyń nemese bolatarqandardyń bólikteri) jetkizý tolyǵymen toqtatyldy.
