Qazaqstan men Vetnam arasyndaǵy áýe reısteri qaıta jandanady

NUR-SULTAN. QazAqparat - 30 jeltoqsannan bastap «SCAT» áýe kompanııasy aptasyna bir ret, beısenbi kúnderi B–757 áýe kemesimen Almaty-Fýkýok baǵytyndaǵy reısterdi qaıta bastaýdy josparlap otyr, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń resmı saıtyna silteme jasap.

Áýe qatynasyn qalpyna keltirýge Qazaqstan Respýblıkasynyń aýmaǵynda koronavırýstyq ınfektsııanyń paıda bolýy men taralýyna jol bermeý jónindegi vedomstvoaralyq komıssııanyń 2021 jylǵy 14 jeltoqsandaǵy sheshimine sáıkes ruqsat etildi.

Reıster sanyn arttyrý máselesi epıdemıologııalyq jaǵdaıǵa jáne vedomstvoaralyq komıssııanyń tıisti sheshimderine baılanysty qabyldanady.

Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııasynyń saıtynda jarııalanǵan kestege sáıkes oryndalady.