Qazaqstan men Úndistan yntymaqtastyq týraly memorandýmǵa qol qoıdy
ASTANA. KAZINFORM – Astanada Shanhaı Yntymaqtastyq Uıymy aıasynda aýqymdy bıznes-forým ótti, dep habarlaıdy Kazinform agenttigi.
«Atameken» UKK ókilderiniń habarlaýynsha, jıyn barysynda Qazaqstan men ShYU-na múshe memleketter arasyndaǵy ózara túsinistik týraly memorandýmǵa qol qoıyldy.
Forým ShYU elderiniń arasynda ekonomıkalyq yntymaqtastyqtyń kókjıegin keńeıtti. Іs-shara barysynda B2B kezdesýi ótip, bolashaǵy zor aldaǵy ýaqytta salynýy múmkin ınvestıtsııalardyń jaıy talqylandy. Sonymen qatar taraptar arasynda ózara túsinistik týraly Memorandýmdarǵa qol qoıyldy. Onyń birinshisi ShYU Іskerlik keńesiniń Ulttyq bólimshesiniń tóraǵasy bolyp tabylatyn Úndistan ókili Trıbhývan Darbarı men Qazaqstannyń syrtqy saýda palatasynyń tóraǵasy Murat Qarymsaqov arasynda jasaldy.
«Ekinshisi Memorandýmǵa Qazaqstan men Qytaıdyń iri logıstıkalyq kompanııalary – Qazaqstannyń kólik qyzmetkerleri odaǵy Kazlogistics pen Global Logistics Alliance arasynda qol qoıyldy»,-delingen habarlamada.
Qazaqstannyń syrtqy saýda palatasynyń basshysy Murat Qarymsaqov búgingi tańda elimizde ShYU elderiniń kapıtalynyń qatysýymen 29 myńnan astam kompanııalar men 5 myńnan asa birlesken kásiporyndar jumys isteıtinin aıtty.
2023 jyly ShYU elderinen tartylǵan ınvestıtsııa kólemi 4,6 mlrd AQSh dollaryn qurady.
