Qazaqstan men Úndistan baılanysy: Toqaev negizgi kórsetkishterdi atady
NЬıÝ-DELI. KAZINFORM — Memleket basshysy Úndistan Premer-mınıstri Narendra Modımen kezdesti, dep habarlaıdy Aqordanyń baspasóz qyzmeti.
Qasym-Jomart Toqaev Úndistan Premer-mınıstri Narendra Modıdi BRIKS sammıtiniń tabysty ótýimen quttyqtap, halyqaralyq aýqymdaǵy is-shara joǵary deńgeıde uıymdastyrylǵanyn jetkizdi. Prezıdent álemdik ekonomıkada kóshbasshylardyń biri sanalatyn Úndistannyń ǵylymı-tehnıkalyq saladaǵy tamasha jetistikterine jáne halyqaralyq arenadaǵy zor bedeline toqtaldy.
— Úndistan Sizdiń parasatty ári tegeýrindi basshylyǵyńyzben progress pen ornyqty damý jolynda alǵa qaraı nyq qadam basyp keledi, — dedi Prezıdent.
Memleket basshysy qazaq-úndi qarym-qatynasy kóptegen baǵytta qarqyndy ilgerilep kele jatqanyn atap ótti.
— Búginde Qazaqstanda úndi kapıtalynyń úlesi bar 600-deı kompanııa nátıjeli jumys isteıdi. Byltyr elimizge 150 myńǵa jýyq Úndistan azamaty keldi. Qazaqstanda kóptegen úndi stýdentteri bilim alyp júr. Sondaı-aq biz halyqaralyq uıymdar aıasynda tyǵyz yqpaldastyq ornattyq, — dedi Qasym-Jomart Toqaev.
Buǵan deıin Memleket basshysy «BRIKS plıýs» sammıtine qatysqanyn jazǵanbyz.
