Qazaqstan men Úndistan sottalǵandardy bir-birine bere alatyn bolady - Májilis
ASTANA. QazAqparat - Búgin Májilistiń jalpy otyrysynda palata depýtattary «Qazaqstan Respýblıkasy men Úndistan Respýblıkasy arasyndaǵy sottalǵan adamdardy berý týraly kelisimdi ratıfıkatsııalaý týraly» zań jobasyn maquldady. Atalǵan kelisimge 2015 jyly 8-shildede Astana qalasynda qol qoıylǵan bolatyn.
Kelisimge sáıkes, Qazaqstan men Úndistan ár Taraptyń sottarymen bas bostandyǵynan aıyrylǵan adamdardy óziniń azamaty bolyp tabylatyn memleketke jazasyn óteý úshin berýge mindettenedi. Kelisimge sáıkes, berýshi Tarap qana qaıta qaraý týraly kez kelgen ótinish boıynsha óz úkimin qaıta qaraýǵa quqyly bolady, óıtkeni bul másele sottalǵan adamǵa qatysty úkimdi oryndaýshy Taraptyń tıisti organdarynyń quzyretin jatady. Al olar sot nemese ákimshilik sheshimder shyǵarýǵa quqyly bolyp tabylady. Budan bólek, kelisimge sáıkes, sottalǵan adamdy qylmystyq qýdalaýǵa nemese berýshi tarapta jazanyń taǵaıyndalýyna ákep soqqan naq sol áreketteri úshin sot jaýaptylyǵyna tartýǵa jol berilmeıdi.
Qujatta sottalǵan adamdardyń tranzıti máselesi de qarastyrylyp otyr.
Májilis maquldaǵan zań jobasy Senatqa joldanady.
