Qazaqstan men Úndistan áskerı-tehnıkalyq yntymaqtastyqty nyǵaıtýdy josparlaýda

BEIJІŃ-DELI. QazAqparat - Qazaqstan Respýblıkasy qorǵanys mınıstriniń orynbasary  general-leıtenant Talǵat Muhtarov Úndistanǵa jumys saparymen bardy, dep habarlaıdy «QazAqparat» HAA-nyń Qytaıdaǵy menshikti tilshisi.

Sapar barysynda Qazaqstan qorǵanys vedomstvosy basshysynyń orynbasary Úndistannyń joǵary áskerı-saıası basshylyǵymen: qurlyq áskerleriniń bas qolbasshysy general Bıpın Ravatpen, qorǵanys mınıstriniń orynbasary Sandjaı Mıtramen jáne Úndistan qorǵanys mınıstri Nırmala Sıtharamanmen kezdesti.

Ekijaqty kezdesýler men kelissózderge, sondaı-aq Qazaqstannyń Úndistandaǵy elshisi Bolat Sársenbaev ta qatysty.

Taraptar ortaq múddege qatysy bar birqatar máseleni, sonyń ishinde áskerı saladaǵy ekijaqty qarym-qatynastardyń qazirgi ahýalyn, sondaı-aq olardyń damytý perspektıvalary men áskerı-tehnıkalyq yntymaqtastyqty nyǵaıtý máselelerin talqylady.