Qazaqstan men Ulybrıtanııanyń yntymaqtastyq máseleleri talqylandy
ASTANA. QazAqparat - Qazaqstan Respýblıkasynyń Syrtqy ister mınıstri Qaırat Ábdirahmanov Ulybrıtanııa jáne Soltústik Irlandııa Qurama Koroldigi Eýropa jáne Amerıka isteri jónindegi Memlekettik mınıstri ser Alan Dankanmen kezdesti, dep habarlaıdy QR SІM baspasóz qyzmeti.
Kezdesý barysynda taraptar elderimiz arasynda qalyptasqan strategııalyq seriktestik kontekstinde ekijaqty yntymaqtastyqtyń keń aýqymdy máselelerin talqylady. Saýda-ekonomıkalyq jáne ınvestıtsııalyq yntymaqtastyq salasynda qol jetkizilgen ýaǵdalastyqtardyń iske asyrylýyna erekshe kóńil bólindi. Astana halyqaralyq qarjy ortalyǵynyń sátti túrde iske qosylýy rızashylyqpen atalyp ketti. Brıtandyq saıası qaıratker Qazaqstandy «EKSPO-2017» kórmesin oıdaǵydaı ótkizgenimen quttyqtady. Astanadaǵy Ulybrıtanııanyń pavılony atalǵan eldiń bolashaq energııanyń damýyna qosyp otyrǵan úlesi aıqyn.
Qazaqstannyń BUU Qaýipsizdik Keńesindegi turaqty emes músheligin jáne bul mańyzdy halyqaralyq qurylymdaǵy QR-dyń 2018 jyly tóraǵalyǵyn eskere otyryp, halyqaralyq kún tártibiniń eń ózekti máseleleri boıynsha pikir almasyldy. Taraptar Sırııadaǵy ahýaldy, onyń ishinde Qazaqstan Respýblıkasy Prezıdentiniń qoldaýymen ótetin Astanalyq protsesstiń túrli aspektilerin jiti qarastyrdy.
Brıtan tarapynyń nazary Tómen baıytylǵan ýran bankiniń ǵımaratyn ashý qarsańynda Memleket basshysynyń ıadrolyq qarýsyzdandyrý jáne ıadrolyq qarýdy synaýǵa tyıym salý arqyly halyqaralyq beıbitshilik pen qaýipsizdikti nyǵaıtýǵa baǵyttalǵan jahandyq bastamalaryna aýdaryldy.
Sonymen birge túrli deńgeıde josparlanǵan ekijaqty kezdesýler men is-sharalar kestesi, sondaı-aq birqatar halyqaralyq qurylymdarǵa saılaý úderisi talqylandy.
