Qazaqstan men Ulybrıtanııada ekijaqty yntymaqtastyqty arttyrýǵa zor áleýet bar - Mamın
NUR-SULTAN. QazAqparat - QR Premer-Mınıstri Asqar Mamın Ulybrıtanııa Syrtqy ister mınıstrliginiń Eýropa jáne Amerıka isteri jónindegi memlekettik mınıstri Alan Dankanmen kezdesý ótkizdi, dep habarlaıdy QazAqparat primeminister.kz saıtyna silteme jasap.
Kezdesý barysynda ekijaqty saýda-ekonomıkalyq jáne ınvestıtsııalyq yntymaqtastyqty odan ári damytýdyń ózekti máseleleri men perspektıvalary talqylandy.
A. Dankan atap ótkendeı, Qazaqstanda bıznesti júrgizý úshin barlyq múmkindikter bar jáne sheteldik ınvestıtsııalardy tartý úshin qajetti jaǵdaılar jasalǵan. A. Dankan Ulybrıtanııanyń Eýropalyq odaqtan shyǵýy aıasynda Qazaqstan men Ulybrıtanııa arasyndaǵy saýda-ekonomıkalyq qarym-qatynastarda negizgi erejelerdiń sabaqtastyǵy qamtamasyz etiletinine sendirdi.
«Qazaqstan men Ulybrıtanııada ekijaqty yntymaqtastyqty arttyrý úshin zor áleýet bar, ony tıimdi paıdalaný qajet», - dedi QR Premer-Mınıstri A. Mamın.
QR-da brıtandyqtardyń qatysýymen 850-den asa zańdy tulǵa, fılıaldar men ókildikter tirkelgen, olardyń ishinde Royal Dutch Shell, Ernst&Young jáne basqalary bar. Bıznes qurylymdardyń ózara is-qımylyn odan ári ulǵaıtý úshin bıyl qazan aıynda Londonda kezekti qazaqstandyq-brıtandyq ınvestıtsııalyq forým ótedi. Bul shara iri brıtandyq bıznestiń qyzyǵýshylyq tanytqan jańa ókilderin tartýǵa múmkindik beredi.
