Qazaqstan men Ulybrıtanııa áskerı-tehnıkalyq yntymaqtastyq týraly memorandýmǵa qol qoıdy

ASTANA. QazAqparat - QR Qorǵanys mınıstrliginde Ulybrıtanııa jáne Soltústik Irlandııa Birikken Koroldigi Qorǵanys mınıstrliginiń keńeıtilgen Eýropa jónindegi departamentiniń bastyǵy Saımon Lonyń sapary sheńberinde Qazaqstan men Ulybrıtanııa qorǵanys vedomstvolarynyń arasynda áskerı-tehnıkalyq yntymaqtastyq týraly memorandýmǵa qol qoıyldy, dep habarlaıdy mod.gov.kz.

Atalmysh qujat qazaqstandyq qorǵanys-ónerkásibi keshenin damytý jáne qarý-jaraq pen áskerı tehnıkany jańǵyrtý maqsatynda ekijaqty baılanysty keńeıtýge yqpal etedi.

Aıta keteıik, Ulybrıtanııa jáne Soltústik Irlandııa Birikken Koroldiginiń Qorǵanys mınıstrligimen áskerı yntymaqtastyq 1996 jyldan bastap ekijaqty áskerı yntymaqtastyqtyń jyl saıynǵy jospary boıynsha júrgizilip keledi.

Yntymaqtastyqtyń negizgi baǵyty - «Qazbrıg» áskerı qyzmetshilerine brıtandyq áskerı konsýltatıvtik-jattyqtyrý toby nusqaýshylarynyń «Dala qyrany» oqý-jattyǵýy men trenıngterdiń ótkizilýin qamtıtyn bitimgershilik daıyndyq bolyp tabylady.

Odan basqa, Ulybrıtanııanyń áskerı oqý oryndarynda qazaqstandyq kadrlardy daıarlaý jáne áskerı bilim berý salasyndaǵy ózara is-qımyl júzege asyrylýda.