Qazaqstan men Ulybrıtanııa odan arǵy yntymaqtastyqqa ashyqtyqty rastady
ASTANA. KAZINFORM — Astanada Qazaqstan Respýblıkasy Premer-mınıstriniń orynbasary – ulttyq ekonomıka mınıstri Serik Jumanǵarınniń Ulybrıtanııanyń Saýda jónindegi memlekettik mınıstri Lord Anas Sarvarmen kezdesýi ótti. Bul týraly Úkimettiń baspasóz qyzmeti habarlady.
Taraptar Qazaqstan men Ulybrıtanııa arasyndaǵy strategııalyq áriptestikti odan ári nyǵaıtýdyń mańyzdylyǵyn atap ótip, ekijaqty yntymaqtastyqty damytýdyń jaı-kúıi men perspektıvasyn talqylady.
Serik Jumanǵarın Qazaqstan Ulybrıtanııany mańyzdy jáne senimdi strategııalyq áriptes retinde qarastyratynyn atap ótti. Onyń aıtýynsha, brıtandyq delegatsııanyń sapary ekijaqty qatynastarǵa jańa serpin berip, qol jetkizilgen ýaǵdalastyqty is júzinde iske asyrýǵa kóshýge múmkindik týǵyzady.
Ulybrıtanııanyń Saýda jónindegi memlekettik mınıstri Lord Anas Sarvar áriptestiktiń ózara sıpatyn atap ótip, brıtandyq taraptyń Qazaqstanmen yntymaqtastyqty tereńdetýge daıyn ekendigin bildirdi.
Kezdesý barysynda ashyq ta syndarly dıalogty jalǵastyrýǵa jáne yntymaqtastyqtyń basym baǵytyn iske asyrýda birlesip jumys isteýge múddelilik rastaldy.
Aıta ketelik Úkimette turǵyn úı salasyn kommertsııalyq qarjylandyrý úlesin arttyrý máselesi talqylandy.
