Qazaqstan men Ýkraına SІM basshylary telefon arqyly sóılesti

ASTANA. KAZINFORM – Ýkraına tarapynyń bastamasymen QR Premer-mınıstriniń orynbasary – Syrtqy ister mınıstri Murat Nurtileý Ýkraına Syrtqy ister mınıstri Andreı Sıbıgamen telefon arqyly sóılesti. Bul týraly Syrtqy ister mınıstrliginiń baspasóz qyzmeti habarlady. 

Suhbat barysynda taraptar ekijaqty jáne kópjaqty formattardaǵy yntymaqtastyqtyń qazirgi jaǵdaıy men damý perspektıvalaryn talqylap, ózara qyzyǵýshylyq týdyratyn túrli salada ony odan ári nyǵaıtýǵa ortaq múddelilik bildirdi.

Óz kezeginde Murat Nurtileý óńirdegi turaqtylyqty nyǵaıtýǵa yqpal etetin halyqaralyq quqyq qaǵıdattaryna negizdelgen berik beıbitshilikke qol jetkizý jolyndaǵy dıplomatııalyq kúsh-jigerdi jalǵastyrýdyń mańyzdylyǵyn atap ótti. 

Eske sala keteıik, buǵan deıin Memleket basshysynyń Ýkraına Prezıdentine quttyqtaý jedelhatyn joldaǵanyn jazǵan edik.